புதிய மின் இணைப்பு – online விண்ணப்பம், ஆவணங்கள், சம்மதம்New domestic electricity connection in Tamil Nadu: documents and online steps

✍ SARVIN XEROX (Kaviyarasan Vaithiyanathan), L N Puram · புதுப்பிக்கப்பட்டது / Updated: 20-10-2026

புதிதாக வீடு கட்டியவுடன் முதலில் தேவைப்படுவது புதிய மின் இணைப்பு. இப்போது வீட்டு உபயோக இணைப்புக்கு விண்ணப்பம் முழுவதும் online-ல் செய்யப்படுகிறது; ஆவணங்களையும் upload செய்ய வேண்டும். இடம் உங்கள் பெயரில் இல்லாதபோது (உதாரணமாக பெற்றோர் பெயரில்) என்ன செய்வது என்பதுதான் எங்கள் கடைக்கு அதிகம் வரும் கேள்வி. அதற்கான விளக்கம் இங்கே.

In short (English): Domestic (LT) service connections in Tamil Nadu are applied for online on the electricity board's new service connection portal, and the documents are uploaded there. You need ID proof, address proof for the premises, and ownership proof (sale deed, patta or property tax receipt). If the applicant is not the owner, a consent letter from the owner — or an indemnity bond with proof of occupancy — is used. Some buildings also need a completion certificate. Keep the reference number to pay and to track the application.

1. தேவையான ஆவணங்கள்

ஆவணம்	எடுத்துக்காட்டு
அடையாள சான்று	ஆதார், வாக்காளர் அடையாள அட்டை, பாஸ்போர்ட்
முகவரி சான்று (இணைப்பு கேட்கும் இடத்துக்கு)	குடும்ப அட்டை, அரசு வழங்கிய முகவரி சான்று
உரிமை சான்று	கிரயப் பத்திரம், பட்டா, சொத்து வரி ரசீது
உரிமையாளர் இல்லையெனில்	உரிமையாளரின் சம்மத கடிதம், அல்லது அனுபவ சான்றுடன் Indemnity Bond
கட்டட நிறைவு சான்று (Completion Certificate)	சில வகை கட்டடங்களுக்கு மட்டும் – விலக்கு விதிகளை portal-ல் சரிபாருங்கள்
புகைப்படம்	விண்ணப்பதாரரின் சமீபத்திய புகைப்படம்

💡 இடம் தந்தை / தாய் பெயரில், இணைப்பு மகன் / மகள் பெயரில் வேண்டுமா? அப்போது இட உரிமையாளர் சம்மதம் தெரிவிக்கும் ஆவணம் தேவை. உரிமையாளர் இறந்திருந்தால் வாரிசுகள் சம்மதம் தெரிவிக்கலாம். எங்கள் "புதிய மின் இணைப்பு சம்மத ஆவணம்" tool இதை தமிழில், பல வாரிசுகளுடன் தயார் செய்யும்.

2. Online-ல் விண்ணப்பிக்கும் படிகள்

மின் வாரியத்தின் புதிய இணைப்பு (New Service Connection) portal-ஐ திறந்து "Apply" தேர்வு செய்யுங்கள்.
மாவட்டம், மின் வட்டம், பகுதி ஆகியவற்றை தேர்வு செய்யுங்கள்.
வகை (வீட்டு உபயோகம்), wiring தேதி, phase (single / three), load விவரங்களை உள்ளிடுங்கள்.
ஆவணங்களை upload செய்யுங்கள் – ஒவ்வொன்றும் portal கேட்கும் அளவுக்குள் PDF / JPG ஆக.
கிடைக்கும் reference எண்ணை குறித்துக்கொள்ளுங்கள் – கட்டணம் செலுத்தவும், நிலையை பார்க்கவும் இது தேவை.
கட்டணம் செலுத்திய பிறகு, அலுவலர்கள் இடத்தை பார்வையிட்டு இணைப்பு வழங்குவார்கள்.

3. Single phase or three phase?

சாதாரண வீட்டுக்கு (விளக்கு, மின்விசிறி, TV, fridge) single phase போதுமானது. AC, மின் motor, பெரிய heater போன்ற அதிக load சாதனங்கள் இருந்தால் three phase தேவைப்படலாம். உங்கள் electrician-இடம் மொத்த load-ஐ கணக்கிட்டு கேளுங்கள் – தவறாக குறிப்பிட்டால் பின்னர் load மாற்றம் தனியாக செய்ய வேண்டியிருக்கும்.

4. அடிக்கடி நடக்கும் தவறுகள்

உரிமை சான்றில் உள்ள பெயரும் விண்ணப்பதாரர் பெயரும் வேறு; ஆனால் சம்மத கடிதம் இணைக்காதது.
கதவு எண் / முகவரி ஆவணங்களில் வேறுவேறாக இருப்பது.
மங்கலான, பாதி பக்கம் மட்டும் தெரியும் scan.
Reference எண்ணை குறிக்காமல் விடுவது – கட்டணம் செலுத்த முடியாமல் போகும்.

✍️ தமிழில் நிரப்பி print செய்ய:புதிய இணைப்பு சம்மத ஆவணம்தற்காலிக இணைப்பு உறுதிமொழி PDF சுருக்க

கேள்வி – பதில்

கட்டணம் எவ்வளவு?

இணைப்பு வகை, phase, overhead / underground என்பதைப் பொறுத்து கட்டணம், வைப்புத் தொகை மாறும்; portal-ல் விண்ணப்பிக்கும்போது காட்டப்படும். விதிகள் அவ்வப்போது மாறுவதால் இங்கு தொகை குறிப்பிடவில்லை.

கட்டுமானத்துக்கு தற்காலிக இணைப்பு வேண்டுமா?

ஆம், கட்டுமான காலத்துக்கு தற்காலிக இணைப்பு (temporary supply) தனியாக உண்டு; அதற்கு உறுதிமொழி கேட்கப்படும். எங்கள் "தற்காலிக இணைப்பு உறுதிமொழி" tool-ஐ பயன்படுத்தலாம்.

ஆவணங்களை நேரில் கொடுக்க வேண்டுமா?

வீட்டு உபயோக இணைப்புக்கு ஆவணங்கள் online-ல் upload செய்யப்படுகின்றன. அலுவலர்கள் இடத்தை பார்வையிடும்போது original ஆவணங்களை கேட்கலாம் – தயாராக வைத்திருங்கள்.

அதிகாரப்பூர்வ தகவல்: மின் வாரியம் – புதிய இணைப்பு online விண்ணப்பம் · TNEB Ltd