இ-சேவை upload: Photo 50 KB, PDF 200 KB – சரியான அளவு, தெளிவான ஆவணம்e-Sevai uploads: photo 50 KB and PDF 200 KB without losing clarity

✍ SARVIN XEROX (Kaviyarasan Vaithiyanathan), L N Puram · புதுப்பிக்கப்பட்டது / Updated: 20-10-2026

இ-சேவை மையத்தில் சாதி, வருமான, இருப்பிட சான்றிதழ் அல்லது பட்டா மாற்றத்துக்கு விண்ணப்பிக்கும்போது அடிக்கடி வரும் பிரச்சனை: "File size too large". Mobile-ல் எடுத்த ஒரு photo 3–5 MB இருக்கும்; portal ஏற்பது சில நூறு KB மட்டுமே. இந்த வழிகாட்டியில் எந்த file-ஐ எந்த அளவுக்கு, எப்படி தெளிவு குறையாமல் மாற்றுவது என்பதை எங்கள் கடையில் தினமும் செய்யும் முறையில் விளக்குகிறோம்.

In short (English): e-Sevai style portals accept small files: a passport-style applicant photo (we prepare 200×250 px under 50 KB), supporting documents as a single PDF under about 200 KB, and large deeds split into parts of about 400 KB. Shoot documents flat in good light, crop to the paper, combine Aadhaar front and back into one PDF, and compress to the limit instead of shrinking the picture blindly. Always follow the size shown on the portal's own upload screen.

1. ஏன் இந்த அளவு கட்டுப்பாடு?

அரசு portal-களில் ஒரு நாளில் லட்சக்கணக்கான விண்ணப்பங்கள் upload ஆகின்றன. ஒவ்வொரு file-ம் சிறியதாக இருந்தால்தான் server வேகமாக இயங்கும், அலுவலர்களும் விரைவாக பார்க்க முடியும். அதனால் photo, PDF ஒவ்வொன்றுக்கும் அதிகபட்ச KB அளவு வைக்கப்பட்டுள்ளது. அளவு அதிகமானால் upload ஆகாது; மிகவும் சுருக்கினால் எழுத்து படிக்க முடியாமல் விண்ணப்பம் திருப்பி அனுப்பப்படலாம். சரியான அளவு + தெளிவு இரண்டும் முக்கியம்.

2. நாங்கள் பயன்படுத்தும் அளவுகள்

File	அளவு	குறிப்பு
விண்ணப்பதாரர் புகைப்படம்	200 × 250 px, 50 KB-க்குள் (JPG)	முகம் நடுவில், வெளிச்சமான பின்னணி
ஆதார் / ஸ்மார்ட் கார்டு	முன் + பின் ஒரே PDF, 200 KB-க்குள்	இரண்டு பக்கமும் ஒரே பக்கத்தில் அருகருகே
மற்ற ஆவணங்கள் (ரேஷன் கார்டு, சான்றிதழ்)	PDF, 200 KB-க்குள்	பல பக்கம் இருந்தால் ஒரே PDF-ஆக சேர்க்கவும்
பட்டா மாற்றம் – கிரயப் பத்திரம்	400 KB × 3 பகுதிகள்	முழு பத்திரத்தை பக்க வரிசைப்படி பிரிக்கவும்
சுய உறுதிமொழி (Self Declaration)	கையொப்பத்துடன் PDF, 200 KB-க்குள்	கையொப்பம் "Signature" இடத்தில்

💡 Portal-ன் upload திரையில் காட்டும் அளவே இறுதியானது. அது மாறியிருந்தால், எங்கள் PDF tool-ல் 200 / 400 / 500 KB என வேண்டிய அளவை தேர்வு செய்யலாம்.

3. ஆவணத்தை சரியாக photo / scan எடுப்பது எப்படி?

தட்டையாக வையுங்கள்: மடிப்பு இல்லாமல், மேசையில் தாளை வைத்து நேராக மேலிருந்து எடுங்கள்.
வெளிச்சம்: பகல் வெளிச்சம் சிறந்தது. Flash பயன்படுத்தினால் laminated அட்டையில் பளபளப்பு வரும்.
நிழல் வேண்டாம்: உங்கள் கை / phone நிழல் தாளில் விழாமல் பாருங்கள்.
Scanner இருந்தால்: 150–200 DPI போதும். 600 DPI-ல் scan செய்தால் file தேவையில்லாமல் பெரிதாகும்.
ஓரங்களை வெட்டுங்கள்: மேசை, விரல் தெரியாமல் தாள் மட்டும் இருக்கட்டும் – எங்கள் tool தானாக வெட்டி நேராக்கும்.

4. e-Aadhaar PDF-க்கு password கேட்கிறதா?

UIDAI-ல் இருந்து download செய்த e-Aadhaar PDF-க்கு password உண்டு: பெயரின் முதல் 4 எழுத்துகள் (CAPITAL) + பிறந்த ஆண்டு. உதாரணம்: பெயர் SURESH, பிறந்த ஆண்டு 1990 என்றால் SURE1990. எங்கள் tool-ல் PDF-ஐ போட்டால் password கேட்கும்; ஒருமுறை கொடுத்தால் போதும் – file உங்கள் கணினியிலேயே திறக்கப்படும், எங்கும் அனுப்பப்படாது.

5. அடிக்கடி வரும் பிழைகள்

HEIC format: iPhone photo-க்கள் HEIC-ஆக இருக்கலாம்; portal JPG மட்டும் ஏற்கும். Photo-வை JPG-ஆக மாற்றுங்கள் அல்லது phone camera setting-ல் "Most Compatible" தேர்வு செய்யுங்கள்.
பக்கம் சாய்ந்து / தலைகீழாக: upload-க்கு முன் சுழற்றி சரி செய்யுங்கள்.
அதிகமாக சுருக்குதல்: 20 KB-க்கு கொண்டு வந்தால் எழுத்து மங்கும். அனுமதிக்கப்பட்ட அதிகபட்ச அளவுக்கு அருகில் வைத்தால் தெளிவு சிறப்பாக இருக்கும் – எங்கள் tool அதைத்தான் செய்கிறது.
ஆதார் முன், பின் தனி file-களாக: பல இடங்களில் ஒரே PDF-ஆக கேட்கப்படுகிறது.

⚡ இவை அனைத்தும் இலவசம், Login தேவையில்லை:TNeGA Upload Tools 📂 Download ஆன files-ஐ திற

கேள்வி – பதில்

Photo 50 KB-க்குள் வர தெளிவு குறையுமா?

200 × 250 px அளவில் 50 KB போதுமான தெளிவைத் தரும். முகம் நடுவில் வரும்படி வெட்டி, பின்னணியை வெளிச்சமாக்கினால் சிறிய file-லும் புகைப்படம் தெளிவாக இருக்கும்.

என் files server-க்கு அனுப்பப்படுமா?

இல்லை. SARVIN E-SEVAI tools அனைத்தும் உங்கள் browser-லேயே (கணினி / கைபேசி) இயங்குகின்றன. ஆதார் போன்ற ஆவணங்கள் எங்கள் server-க்கு வருவதில்லை.

WhatsApp-ல் வந்த photo-வை நேரடியாக பயன்படுத்தலாமா?

ஆம். WhatsApp-ல் photo மீது Right-click → Copy செய்து, tool பக்கத்தில் Ctrl+V அழுத்தினால் போதும் – download செய்து தேட வேண்டியதில்லை.

அதிகாரப்பூர்வ தகவல்: TN e-Sevai – அதிகாரப்பூர்வ இணையதளம் · UIDAI (Aadhaar).