பட்டா மாற்றம் – கிரயம், வாரிசு: ஆவணங்கள் & சரிபார்ப்புPatta transfer in Tamil Nadu: after a sale or a death

✍ SARVIN XEROX (Kaviyarasan Vaithiyanathan), L N Puram · புதுப்பிக்கப்பட்டது / Updated: 20-10-2026

நிலம் அல்லது வீட்டுமனை வாங்கியவுடன் அடுத்த முக்கியமான வேலை பட்டா மாற்றம் (Patta Transfer / Mutation). பட்டா உங்கள் பெயரில் இல்லாவிட்டால் வங்கிக் கடன், மின் இணைப்பு, கட்டட அனுமதி, அடுத்த விற்பனை என எல்லாவற்றிலும் சிக்கல் வரும். கிரயம் மற்றும் வாரிசு அடிப்படையிலான பட்டா மாற்றத்தை எங்கள் கடையில் நாங்கள் பார்க்கும் முறையில் இங்கே விளக்குகிறோம்.

In short (English): After a sale is registered, the patta transfer is normally started automatically through the registration–revenue link, but it is complete only after the VAO's verification and the Tahsildar's order — so track it on TN e-Services. When the owner has died, the heirs apply themselves (online or through an e-Sevai centre) with the death certificate and legal heir certificate. Make sure the names, survey numbers, sub-divisions and extent in the deed match the patta, and keep the deed ready as a PDF within the portal's size limit.

1. இரண்டு முக்கிய வகைகள்

(அ) கிரயம் – பதிவு செய்த பிறகு

சார்பதிவாளர் அலுவலகத்தில் கிரயப் பத்திரம் பதிவான பிறகு, பெரும்பாலான சாதாரண கிரயங்களில் பட்டா மாற்ற நடைமுறை தானாக தொடங்கும். ஆனால் "தானாக" என்றால் முடிந்துவிட்டது என்று அர்த்தமில்லை – கிராம நிர்வாக அலுவலர் (VAO) சரிபார்ப்பு, வட்டாட்சியர் (Tahsildar) உத்தரவு முடிந்த பிறகே புதிய பெயர் பதிவுகளில் வரும். அதனால் நிலையை தொடர்ந்து சரிபாருங்கள்.

(ஆ) வாரிசு – உரிமையாளர் இறந்த பிறகு

இங்கு பதிவு அலுவலகம் இல்லை; வாரிசுகளே விண்ணப்பிக்க வேண்டும் – online அல்லது இ-சேவை மையம் / வட்டாட்சியர் அலுவலகம் மூலம். இறப்பு சான்றிதழ், வாரிசு சான்றிதழ் முக்கியம். குடும்பத்தில் பாகப்பிரிவினை செய்திருந்தால், அதற்கேற்ப உட்பிரிவு (sub-division) தேவைப்படலாம்.

2. பதிவுக்கு முன்பே சரிபார்க்க வேண்டியவை

பட்டா மாற்றம் தாமதமாவதற்கு பெரும்பாலும் பத்திரத்திலும் பட்டாவிலும் உள்ள விவரங்கள் பொருந்தாததுதான் காரணம். பதிவுக்கு முன் draft பத்திரத்தை தற்போதைய பட்டாவுடன் ஒப்பிடுங்கள்:

உரிமையாளர் பெயர் – பட்டாவில் உள்ளபடியே பத்திரத்திலும் இருக்கிறதா?
சர்வே எண், உட்பிரிவு (எ.கா. 45/5C2) – ஒரு எழுத்து தவறினாலும் சிக்கல்.
பரப்பளவு – பட்டாவில் உள்ள அளவுக்கு மேல் விற்க முடியாது.
கூட்டுப் பட்டா – பலர் பெயரில் உள்ள பட்டாவில் ஒருவரிடம் வாங்கினால் அவரது பங்கு மட்டுமே மாறும். எல்லோரின் சம்மதமும், தேவையானால் உட்பிரிவு வரைபடமும் (sub-division sketch) சிக்கலைத் தவிர்க்கும்.

3. பொதுவாக தேவைப்படும் ஆவணங்கள்

ஆவணம்	கிரயம்	வாரிசு
பதிவு செய்த கிரயப் பத்திரம் (பதிவு எண்ணுடன்)	✔	–
இறப்பு சான்றிதழ் + வாரிசு சான்றிதழ்	–	✔
தற்போதைய பட்டா / சிட்டா நகல்	✔	✔
வில்லங்க சான்று (EC)	தேவைப்பட்டால்	தேவைப்பட்டால்
விண்ணப்பதாரர் அடையாள சான்று (ஆதார்)	✔	✔
மற்ற வாரிசுகளின் சம்மதம் / பாகப்பிரிவினை ஆவணம்	–	தேவைப்பட்டால்

4. Upload செய்ய பத்திரத்தை தயார் செய்வது

கிரயப் பத்திரம் பல பக்கங்கள் இருக்கும்; scan செய்தால் file பல MB ஆகும். இ-சேவை portal ஒவ்வொரு file-க்கும் அளவு வரம்பு வைக்கிறது. நடைமுறையில் நாங்கள் முழு பத்திரத்தை பக்க வரிசைப்படி 3 பகுதிகளாக, ஒவ்வொன்றும் 400 KB-க்குள் பிரித்து upload செய்கிறோம். Portal-ன் upload திரையில் காட்டும் அளவை எப்போதும் சரிபாருங்கள்.

📄 பத்திரத்தை 400 KB × 3 ஆக பிரிக்க (இலவசம்):TNeGA PDF Tool – பட்டா மாற்றம்ஆவணம் → Scan copy

5. நிலையை சரிபார்ப்பது

TN e-Services இணையதளத்தில் பட்டா / சிட்டா விவரங்களை பார்க்கலாம். புதிய பெயர், சரியான பரப்பளவு மற்றும் வகைப்பாட்டுடன் தெரியும்போதுதான் மாற்றம் முழுமையானது. அதன் நகலை print செய்து பத்திரத்துடன் பாதுகாப்பாக வைத்திருங்கள்.

கேள்வி – பதில்

பதிவு செய்தவுடன் பட்டா தானாக மாறிவிடுமா?

பெரும்பாலான சாதாரண கிரயங்களில் நடைமுறை தானாக தொடங்கும்; ஆனால் VAO சரிபார்ப்பு, வட்டாட்சியர் உத்தரவுக்குப் பிறகே முடியும். சில மாதங்கள் கழித்தும் மாறவில்லை என்றால் வட்டாட்சியர் அலுவலகத்தில் விசாரியுங்கள்.

எவ்வளவு நாள் ஆகும்?

விவரங்கள் பொருந்தும் சாதாரண விண்ணப்பங்கள் சில வாரங்களில் முடியலாம். கூட்டுப் பட்டா, ஆட்சேபனை, பெயர் / அளவு வேறுபாடு இருந்தால் அதிக நாள் ஆகும்.

உட்பிரிவு (sub-division) எப்போது தேவை?

ஒரு சர்வே எண்ணின் ஒரு பகுதியை மட்டும் விற்கும்போது, பாகப்பிரிவினை, லேஅவுட் மனைகள் போன்றவற்றில் உட்பிரிவு தேவைப்படும். இதற்கு நில அளவை (survey) நடைமுறை உண்டு.

⚠ இது பொதுத் தகவல் மட்டும்; சட்ட ஆலோசனை அல்ல. சிக்கலான நில விவகாரங்களில் வழக்கறிஞர் / வட்டாட்சியர் அலுவலகத்தின் ஆலோசனை பெறுங்கள்.

அதிகாரப்பூர்வ தகவல்: TN e-Services – பட்டா / சிட்டா · TN e-Sevai