PSTM சான்றிதழ் – தமிழ் வழிக் கல்வி சான்று பெறுவது எப்படிPSTM (Tamil medium) certificate: who issues it and how to get the years right

✍ SARVIN XEROX (Kaviyarasan Vaithiyanathan), L N Puram · புதுப்பிக்கப்பட்டது / Updated: 20-10-2026

TNPSC, TRB, TNUSRB போன்ற தமிழ்நாடு அரசு பணித் தேர்வுகளில் "தமிழ் வழியில் படித்தவரா?" (PSTM) என்ற கேள்வி இருக்கும். ஆம் என்று குறித்தால், அதற்கான PSTM சான்றிதழ் சமர்ப்பிக்க வேண்டும். சரியான சான்று இல்லாமல் ஆம் என்று குறித்தால் சான்றிதழ் சரிபார்ப்பில் சிக்கல் வரும். எங்கள் கடைக்கு வரும் தேர்வர்களுக்கு நாங்கள் விளக்கும் விஷயங்கள் இங்கே.

In short (English): PSTM (Person Studied in Tamil Medium) certificates prove that you studied in Tamil medium — not just Tamil as a subject. They are issued by the head of the institution (headmaster / principal) for each stage you studied there, with the academic years "from – to". Tamil Nadu gives preference in state government jobs to PSTM candidates under the PSTM Act, and courts have held that the benefit is for candidates whose entire education was in Tamil medium. Work out each class's academic year from your 10th certificate year using our free PSTM calculator, then collect certificates from each school and college.

1. PSTM என்றால் என்ன?

PSTM = Person Studied in Tamil Medium – தமிழ் வழிக் கல்வியில் படித்தவர். தமிழை ஒரு பாடமாக (subject) படித்தது போதாது; பாடங்கள் அனைத்தும் தமிழ் மொழியில் கற்பிக்கப்பட்டிருக்க வேண்டும். தமிழ்நாடு அரசு பணிகளில் PSTM சட்டத்தின் கீழ் தமிழ் வழியில் படித்தவர்களுக்கு முன்னுரிமை (20%) வழங்கப்படுகிறது.

⚠ முக்கியம்: உயர் கல்வியில் மட்டும் தமிழ் வழியை தேர்ந்தெடுத்து, பள்ளியில் ஆங்கில வழியில் படித்தவர்கள் PSTM பலனுக்கு தகுதி பெற முடியாது என்று உயர் நீதிமன்றம் கூறியுள்ளது – முழு கல்வியும் தமிழ் வழியில் இருக்க வேண்டும். போலி PSTM சான்றிதழ்கள் குறித்து விசாரணைகளும் நடந்துள்ளன. உண்மையில் தமிழ் வழியில் படித்திருந்தால் மட்டுமே விண்ணப்பியுங்கள்.

2. யார் சான்றிதழ் தருவார்கள்?

நீங்கள் படித்த பள்ளி / கல்லூரியின் தலைமை ஆசிரியர் அல்லது முதல்வர் PSTM சான்றிதழ் வழங்குவார். அதில் பொதுவாக இவை இருக்கும்:

மாணவர் பெயர், தந்தை / தாய் பெயர்
படித்த வகுப்புகள் மற்றும் கல்வியாண்டுகள் (எந்த ஆண்டு முதல் எந்த ஆண்டு வரை)
"தமிழ் வழியில் பயின்றார்" என்ற உறுதிப்படுத்தல்
தலைமை ஆசிரியர் / முதல்வர் கையொப்பம், பள்ளி முத்திரை, தேதி

பல பள்ளிகளில் படித்திருந்தால், ஒவ்வொரு பள்ளியிலும் அங்கு படித்த வகுப்புகளுக்கு சான்று வாங்க வேண்டியிருக்கலாம். தேர்வு அறிவிப்பில் குறிப்பிட்டுள்ள படிவம் (format) இருந்தால் அதையே பயன்படுத்துங்கள்.

3. கல்வியாண்டுகளை எப்படி கண்டுபிடிப்பது?

பல வருடங்களுக்கு முன் படித்ததால், 3-ஆம் வகுப்பு எந்த ஆண்டு என்று நினைவில் இருப்பது கடினம். 10-ஆம் வகுப்பு சான்றிதழில் உள்ள ஆண்டை வைத்து பின்னோக்கி கணக்கிடலாம்: 10-ஆம் வகுப்பு தேர்வு ஆண்டு 2024 என்றால், 10-ஆம் வகுப்பு 2023 – 2024, 9-ஆம் வகுப்பு 2022 – 2023 … 1-ஆம் வகுப்பு 2014 – 2015; 11-ஆம் வகுப்பு 2024 – 2025, 12-ஆம் வகுப்பு 2025 – 2026.

🧮 இதை தானாக கணக்கிட, பெயர்களுடன் print செய்ய:PSTM ஆண்டு கணக்கீடு – இலவசம்

ஏதேனும் வகுப்பில் மீண்டும் படித்திருந்தால் (repeat), அந்த வகுப்புக்கு முந்தைய ஆண்டுகள் ஒரு வருடம் முன்னே செல்லும். பள்ளி மாற்று சான்றிதழ் (TC) அல்லது பள்ளி பதிவேட்டில் உள்ள ஆண்டுகளுடன் ஒப்பிட்டு உறுதி செய்யுங்கள்.

4. பள்ளிக்கு செல்லும் முன் தயார் செய்ய வேண்டியவை

வகுப்பு வாரியான கல்வியாண்டு பட்டியல் (மேலே உள்ள tool-ல் print செய்யலாம்).
10-ஆம் / 12-ஆம் வகுப்பு மதிப்பெண் சான்றிதழ் நகல்கள்.
மாற்று சான்றிதழ் (TC) நகல் – பள்ளி, வகுப்பு, ஆண்டுகள் சரிபார்க்க உதவும்.
தேர்வு அறிவிப்பில் உள்ள PSTM படிவம் (இருந்தால்) – முன்கூட்டியே print செய்து கொண்டு செல்லுங்கள்.
பெயர் எழுத்துக்கூட்டல் சான்றிதழ்களில் உள்ளபடியே இருக்கும்படி கவனியுங்கள்.

5. விண்ணப்பத்தில் upload செய்யும்போது

சான்றிதழ்களை தெளிவாக scan செய்து, portal கேட்கும் அளவுக்குள் PDF-ஆக மாற்றுங்கள். பல பள்ளி சான்றிதழ்கள் இருந்தால் ஒரே PDF-ஆக சேர்க்க வேண்டியிருக்கலாம் – எங்கள் PDF tool-ல் சேர்த்து, 200 / 400 KB-க்குள் சுருக்கலாம்.

கேள்வி – பதில்

தமிழை ஒரு பாடமாக படித்திருந்தால் PSTM ஆகுமா?

இல்லை. பாடங்கள் தமிழ் மொழியில் கற்பிக்கப்பட்டிருக்க வேண்டும் (Tamil medium). Tamil as a subject மட்டும் போதாது.

பள்ளி மூடப்பட்டுவிட்டால் யாரிடம் கேட்பது?

அந்த பள்ளியின் பதிவேடுகள் எந்த அலுவலகத்துக்கு மாற்றப்பட்டன என்று மாவட்ட கல்வி அலுவலகத்தில் (DEO / CEO அலுவலகம்) விசாரியுங்கள்.

சான்றிதழில் ஆண்டுகள் தவறாக இருந்தால்?

சமர்ப்பிக்கும் முன்பே பள்ளியில் திருத்தம் கேளுங்கள். சரிபார்ப்பின்போது TC / மதிப்பெண் சான்றிதழுடன் பொருந்தாத ஆண்டுகள் சிக்கலை உண்டாக்கும்.

⚠ இது பொதுத் தகவல் மட்டும்; சட்ட ஆலோசனை அல்ல. ஒவ்வொரு தேர்வு அறிவிப்பிலும் PSTM விதிகள், படிவம் குறிப்பிடப்படும் – அதையே பின்பற்றுங்கள்.

மேலும்: TNPSC – அதிகாரப்பூர்வ இணையதளம் · PSTM – சென்னை உயர் நீதிமன்ற தீர்ப்பு செய்தி (Bar & Bench)